O, son 24 saatda 393 nəfərin virusa yolduxduğu və onların 20 faizinin əyalət xəstəxanalarında yerləşdirildiyini açıqlayıb.

C.Ağazadənin dediyinə görə, son 24 saatda qəbul olunan 81 xəstə ilə birlikdə xəstəxanalarda koronovirus xəstəliyi səbəbindən müalicə altında olan xəstə sayı 478 nəfərə çatıb.

Onlardan 137 nəfəri reanimasiya şöbələrində yerləşdirilib. 31 nəfər isə süni tənəffüs aparatlarına qoşulub.

Bununla yanaşı son sutkada 2 nəfər Xoy, iki nəfər isə salmas şəhərində dünyasını dəyişib və bu günə kimi Qərbi Azərbaycanda koronovirusdan ölənlərin sayı 3580 nəfərə yüksəlib.

Pandemiyanın yayılmasından bu günə kimi Qərbi Azərbaycanda yoluxma sayı 110 min 448 nəfər olmaqla, İranda ümumi yoluxmanın 7 faizini təşkil edir.

Ərdəbil əyalətinin Tibb Elmləri və Səhiyyə Xidmətləri Universitetinin rəisi Şəhram Həbibzadə mətbuata verdiyi müsahibədə son 24 saatda 3 koronovirus xəstəsinin dünyasını dəyişdiyini, bununlada ümumi ölü sayının 1386 nəfərə yüksəldiyini söyləyib. O, son 24 saat ərzində 27 yeni xəstənin əyalət xəstəxanalara qəbul edildiyini və bununlada əyalət xəstəxanalarında müalicə alan yoluxanların sayının 167 nəfərə yüksəldiyini söyləyib.

Zəngan əyalətinin qubernaturu Fətullah Həqiqi qarşıdakı iki həftənin mutasiyaya uğramış yeni növ koronovirusun yayılma ehtimalına görə əyalət üçün təhlükəli olacağını deyib. O, ümumi toplantıların təhlükəli olduğunu söyləyərək cümə namazlarının ləğv edilməsi üçün Zəngan və Əbhər şəhərlərinin cümə namazı imamları ilə danışıq aparacağını bildirib.

Zəncan Tibb Elmləri və Səhiyyə Xidmətləri Universitetinin rəisi Pərviz Qızılbaşda durumun təhlükəli olduğu barədə xəbərdarlıq edib. O, əyalətin Xorrəmdərə və Əbhər bölgələrinin əhalisinin fəsli işlər üçün yeni növ koronovirusun yaşkarlandığı Qəzvin əyaləti ilə davamlı əlaqədə olduğunu bildirərək, təhlükənin real olduğunu və əyalətdə yenidən xüsusi karantin rejiminin tətbiq edilməsi üçün məsləhətləşmələr apardıqlarını açıqlayıb.

Həmədan əyalətinin Tibb Elmləri Universitetinin rəisi Məhəmməd Tahiri “İRNA”ya verdiyi müsahibəsində ötən 24 saat ərzində bir koronovirus xəstəsinin öldüyünü, bununlada əyalətdə virus qurbanlarının sayının 1506 nəfərə çatdığını deyib.

Onun sözlərinə görə, son sutka ərzində virusa yoluxma şübhəsi ilə 281 nəfər qeydə alınıb və onlardan 29 nəfəri xəstəxanalara yerləşdirilib. Bununlada əyalətdə bu günə kimi xəstəxanalara qəbul olunan yoluxanların ümumi sayı 10 min 357 nəfərə çatıb.